每日領隊都會派Memo 俾我地
06:30 Morning Call，我無記錯好似係真人電話黎 (唔係錄音)
但今次都好似係佢未講完就Cup 左佢線😂
酒店有提供自助早餐
食完早餐就出發長途車上台北
依舊導遊會講下台灣故仔俾我地知，但太好訓了😴
呢個係導遊專登介紹叫我地影相: 火炎山 (苗栗縣三義鄉)
坐左3個幾鐘車，直接到第一個行程點: 海中寶真珠養殖推廣中心 (珍珠養殖中心)
入到去就有講座講下珍珠有幾好
導遊亦都會幫口推銷下
一早有心理準備係浪費時間同增強抵抗力😅
有免費試食同試飲 仲有珍珠磨粉搽面 不過我無拎
珍珠磨粉沖水 + 珍珠磨粉入膠囊
水魚都係磨粉變膠囊
最後都有團友買左 買完可以即場睇佢磨成粉既過程
應該唔會再黎
之後就去下一個景點: 維格餅家
其實呢個都唔算係一個景點
維格應該好多地方都有賣
呢度主要都係試食同訂手信
職員會拎唔同既餅出黎俾我地試食
填表俾錢後可以揀即場拎或者送去酒店都得 (當然要睇佢有無現貨)
好似每日既優惠都唔同要問清楚
我地今次係買滿 2000TWD 送一盒10個既鳯梨酥
訂完餅後就到午餐: 金品茶樓 - 小籠包
原味小籠包每人4隻+蟹黃每人1隻+蒸餃1隻+紫米燒賣1舊
仲有炒蛋炒飯同炒菜+甜品美齡鬆糕
所以都夠飽
但個人口味都係覺得鼎泰豐比較好食
(待續)
沒有留言:
張貼留言